Curdin Nicolay

 

El è in raquintader talentà. E quasi en passond scurlatta el las pli bellas melodias or da la mongia. Las chanzuns singularas da Curdin Nicolay muventan cun ina maschaida particulara d'istorgias mirvegliusas, cumposiziuns minimalisticas expressivas ed in sound nunusità. Ses uffant betg anc naschì daventa en sias chanzuns in cosmonaut; il signur da Genevra na sa atgnamain betg tge ch'el tschertga, ma chatta tuttina quai en l'Engiadina ed en il chaschiel- chaura; e sin la loipa da passlung amez ils prads alpins ston ins quintar cun cuntravent ed occasiunalmain cun atterraments d'aviuns che mettan era sutsura l'amur. Las chanzuns da Curdin sa movan e storschan enturn chanzuns popularas engiadinaisas, la Viafier retica, muntognas e vals e l'entir mund tranteren.


Ins ha ditg considerà Curdin Nicolay sco 'l'ertavel musical' da ses aug Paulin Nuotclà, ma el è daditg sa mess sin atgnas vias musicalas. Sco chantadur, autur e cumponist da songs e sco ghitarrist ha el cuntanschì in renum respectabel cun sias chanzuns plaschaivlas e subtilas. Gia sias emprimas trais singles 'Kindl', 'Nüglia da nouv' e 'Nouva cità' èn stadas d'udir regularmain al Radio Rumantsch ed al Radio Swiss Pop, ed er en il film curt iranais-svizzer 'Nilou' vegn avant sia musica. Da professiun è il musicist e bab dapi dacurt scolast primar. Ses idiom vallader, exotic per l'Engiadin'Ota, ha el iertà da ses geniturs da l'Engiadina Bassa.

 

 

Tedlar viaden

JoomSpirit