Pascal Gamboni

Il giuven Tuatschin è forsa il talent il pli productiv che ha enritgau la szena da musica moderna rumantscha ils davos onns. Ord ses patratgs nescha album ed album senza cal e senza maina daventar monoton.

Sia carriera da musicist ha entschet en onns giuvens sco chantautur dals «Cantauturs Passiunai». Gia lura han ses tocs persvadì. Quels èn ids en las ureglias e na han tar entgins da nus maina propi bandunà quellas. Tocs levs, ma maina banals.

Pli tard ha Pascal Gamboni cumenzà d'experimentar adina dapli cun ses sound. Oravant tut en il temp ch'el ha passentà a Bristol e Londra tunavi manizzà, verzerrt, brutal ed auter.

Cun il passar da l'aua dal River Thames ha el pudì elavurar ses stil adina meglier. In stil tant frestg ed agen, ch'ins dovra gronds nums per descriver el. Cura che Gamboni è en ses element sin tribuna sco reunescha el las olmas da Johnny Cash, Kurt Cobain e John Lennon tuttas en el.

SUN GONE MAD

JoomSpirit