Corin Curschellas

La imaginista da tuns Corin Curschellas concertescha sin tut ils continents – e quai dapi passa trais decennis. Sco chantadura, cumponista, actura, scriventa ha ella producì 8 discs cumpacts. Il davos, «Grischunit» cun Marc Ribot e Peter Scherer, è cumparì il 2008. Ella ha plinavant scrit passa 200 songs er per auters interprets - «Jeudi amour» per Michael von der Heide è forsa l'exempel il pli renumà.

Corin Curschellas chanta en set linguas e s'accumpogna cun set instruments. Sco interpreta ha ella collavurà en nundumbraivlas studiosessions. La glista dals musicists che han lavura cun Corin Curschellas sumeglia en sia lunghezza ils end credits dad in film da hollywod e sa legia sco in who is who da la szena da musica svizra ed europeica. Il 2009 è ella stada chantadura tar il Vienna Symphonic Orchestra ed ha chantà en il Überlandorchester da Max Lässer.

Era sin il palc da theater è Corin Curschellas da chasa. Ella ha giugà en il Schauspielhaus da Turitg, en il teater da Basilea, sin la Volksbühne Berlin ed er en il teater al Neumarkt a Turitg. Quai tranter auters cun ils reschissurs Christoph Marthaler, Bob Wilson, Nikola Weisse, Hans Peter Litscher e Wolfi Berger. Ed ella pon ins era vesair en films, sco per exempel en «Marmorera».

visita la pagina da Corin Curschellas

JoomSpirit