Cha da Fö

 

Cha da Fö è Roland Vögtli. El è naschì e creschì si a Scuol. Ses emprim instrument è stada la battaria fabritgada Ord in per sadellas da colur. El aveva 10 onns. E cun las sadellas ha el emprendì ses emprim beat.

Entgins onns suenter avair chantà e sunà la battaria en differentas bands da scola, ha el cumenzà da sunar la ghitarra ed il bass. Sco chantadur e ghitarrist da la band «Hangover» ha el fatg las emprimas experientschas en il studio e sin tribunas pli grondas. Cun la band «Andarojo» ha Roland Vögtli fatg turnea atras l'America dal Sid il 2006 e 2007. Il schaner 2011 s’ha schlià «Andarojo» suenter 6 onns, 100 concerts, in dc cun dvd ed in extended player. Il 2012 ha sia nova band «Nau» lantschà ses emprim dc. La stad dal 2012 ha «Nau» sunà en differents open airs en l'entira Svizra. Tranter auter al Gurtenfestival ed a l’Open Air Lumnezia

Las chanzuns melancolicas da Cha da Fö èn ghitarra. E dapli. Simpels e decents accords. Influenzads dal blues, roots, folk e rock. Las chanzuns èn era bass, clavazin e percussiun e tut quels instruments suna Roland Vögtli sez. Mo las chanzuns èn era text. Istorgias d'amicizia, libertad, patria, vita. Rumantsch.

 

Cha da Fö sin MX3

JoomSpirit