Giganto

 

Il giuven "Overlander" Ivo Orlik (19) da Rabius ch'abita a Cuira ha gia pliras giadas fatg gizzar las ureglias. Betg il davos ha el procurà per ina sensaziun en in'emissiun da musica populara da la televisiun svizra. Ed il clip da Youtube tar ses toc «Veni, vidi, Fi** di» è cun quasi 19'000 Clicks in dals clips rumantschs ils pli remartgads.

En ses emprim album che cumpara ils 13-12-2013 vegn Ivo Orlik alias Giganto propi sin il punct cun ses texts da rappa nunschenads e selvadis - sin il G-punct. Sin ses album «G-punct» tira el in artg grond che sa stenda tranter texts cun conscienza sociala enfin a la rappa da scandal.

 

 

Tedlar viaden

JoomSpirit